Euskalduna Bilbao biltzar jauregian egindako EMAKUMEAK Kongresuaren laugarren eta azken eguneko (2023ko urtarrilaren 20a, ostirala) laburpenak, bideoak eta irudi galeria. Bizkaiko Foru Aldundiko Enplegu, Gizarte Inklusio eta Berdintasun Sailak antolatuta.
Emakumeenganako Diskriminazioa Ezabatzeko Nazio Batuen Batzordeko behin-behineko presidentea, ANA PELÁEZ, izan zen eguneko protagonista. Bere hitzaldiaren ostean, Etorkizuneko Agenda Feministaren jarduerarekin jarraitu zuen jardunaldia Cristina Ubani, Marie Lucía Monsheneke eta Ritxar Baceterekin.
Goizeko saioa Onintza Enbeita eta Nerea Ibarzabal bertsolarien ondorioekin amaitu zen.
Arratsaldeko saioan, EMAKUMEAK Kongresuaren itxiera egin zen Elena Arzak, Nieves Barragán, María Marte, Maria José San Román, Zuriñe García, Asun Ibarrondo eta Lakshmi Aguirre sukaldarien arteko topaketarekin. Bilera Marian Gerrikabeitiak dinamizatu zuen.
Musikarako tartea ere izan zen Izaro eta Christina Rosenvingeren elkarrizketa eta mini-kontzertu akustiko batekin.
