Joan den ekainaren 4an “Mozorro berriak, desberdintasun berberak” hitzaldia izan genuen, espazio digitaletan matxismoak nola jokatzen duen eta nola betikotzen den hausnartzeko gunea.

Carmen Ruiz Repulloren eskutik, matxismoaren gordeleku digitaletan murgildu ginen, horiek haurtzaroan eta nerabezaroan dituen ondorio eta eraginean sakonduz.

Carmen Ruiz Repullo Soziologiako irakaslea da Granadako Unibertsitatean. Prostituzioari eta Pornografiari buruzko Azterlanen Nazioarteko Sare Akademikoaren parte da, eta Estatuko Gobernuak genero-indarkeriari, sexu-indarkeriari eta zibermisoginiari buruz egindako hainbat ikerketa-proiekturen parte da.

Eskerrik asko bertaratu zineten guztioi, hausnarketarako eta ikaskuntzarako gune hau posible egiteagatik. Errealitate hauei aurrez aurre begiratzea horiek aldatzen hasteko lehen pausoa delako.